MDRRMO Asingan Sumailalim sa Surface Water Search and Rescue Technician Training

Sa isang taga sagip buhay, mahalaga ang patuloy na pagsasanay lalo na sa ganitong panahon na papasok ang mga kalamidad.
Kaya bilang paghahanda ng Municipal Disaster Risk Reduction Management Office (MDRMMO) Asingan sa pangunguna ni Dr Jesus Cardinez , sila ay sumailalim sa Surface Water Search & Rescue Technician Training sa tulong na rin Philippine Red Cross Pangasinan Chapter Urdaneta City Branch.
Sa loob ng apat na araw, natutunan ng grupo ang iba’t ibang kaalaman na makakatulong sa rescue operations lalo na pagdating sa pagsalba ng buhay ng mga nasasangkot sa water emergencies and disasters.
Kabilang din sa mga dumalo sa nasabing pagsasanay ay mula sa bayan ng Natividad, San Quintin at Tayug.