Kahapon April 24 ay nagsagawa ng pagpupulong ang mga miyembro ng Local School Board (LSB) ng bayan ng Asingan sa pangunguna Mayor Carlos Lopez Jr. at Councilor Ira Chua, Chairman sa Committee on Education.
Layon ng nasabing pagpupulong na mapag-usapan ang mga programa at proyekto na kanilang isasagawa upang makuha ang seal of good education governance.
Natalakay din dito ang pagbibigay ng alkalde ng fruit bearing seeds sa mga paaralan at pagpapamahagi ng isang milyong halaga ng libro sa mga estudyante para sa pagtaguyod ng dekalidad na edukasyon sa bayan ng Asingan.
