Nagsimula nitong Lunes, August 8 ang Department of Education (DepEd) Brigada Eskwela 2022 sa iba’t-ibang pampublikong paaralan sa bayan ng Asingan.

Kabilang sa naunang binisita ni Mayor Carlos Lopez Jr. ang San Vicente West Integrated School.

Layon ng pagbisita ng alkalde na kamustahin ang kalagayan ng mga guro at mga gusali upang matiyak ang kaligtasan ng lahat sa pagbabalik ng face to face classes ngayong Aug. 22.

Kabilang din sa aktibidad sa isinisagawa sa San Vicente West Integrated School ay ang “Ukay-Ganda sa Brigada”.

Dito ay makakabili ng maraming produkto gaya ng t-shirt, shorts, blouse, stuff toys at marami pang iba mula sa halagang limang piso hanggang dalawandaang piso.

Ang pondong malilikom sa ukayan ay ilalaan sa gagamitin ng mga estudyante sa pasukan.