Buong pagmamalaking iniulat ni National Security Adviser Secretary Hermogenes Esperon Jr. kay Pangulong Rodrigo Deterte na insurgency-free na ang buong Ilocos Region.

Aniya wala ng presensya ng armadong grupo ng CPP-NPA-NDF o anomang terrorist group sa rehiyon uno matapos itong mabuwag ng pwersa ng pamahalaan.

Ibinahagi ito ng Kalihim sa Pangulong Duterte sa kanyang pagbisita sa Ilocos Sur upang pasinayaan ang kauna-unahang solar powered Farmers’ Market nito lamang March 4.

“Mr. President, as your Cabinet Officer for Regional Development and Security for Region I, I am humbled and honored to report that the Regional Task Force 1 and the combined Regional Peace and Order Council under Governor Francisco Ortega III and the Regional Development Council under Vigan City Mayor Juan Carlo Medina, have resolved to declare Region I to be in a State of Internal Peace and Security.” pahayag ni Secretary Esperon Jr.

Pebrero ng nakaraang taon ng tuluyang naparalalisa ang hanay ng CPP-NPA-NDF sa Ilocos Region, sa pagsisikap na rin ng AFP, PNP, kabilang ang mga national agency, local government units at private sector partners.

Ayon pa kay Secretary Esperon dahil sa tagumpay na ito pangunahing tutukan ng pamahalaan ang lalo pang pagpapaunlad sa rehiyon.