Nagsimula na ngayong araw ang paghahain ng Certificate of Candidacy para sa 2022 Local Election sa bayan ng Asingan, pero hanggang sa ngayon ay wala pang nakapaghain ng COC para sa elective positions.

“May mga tinitignan silang magandang araw minsan naman ang filing nila ng COC depende sa feng shui nila, pero usually alam mo yung pataas? [Octber] 8 ganun.” kwento ni Leny Manangan Masaoy, Election Officer III ng COMELEC Asingan.

Ayon kay Masaoy inaasahan na may 40, 529 na registered voters para sa 2022 election, habang noong nakaraang eleksyon ay nasa 38,499 lamang ang botante sa bayan ng Asingan.

Sinabi pa ni Masaoy na hindi pa ito ang pinal na bilang ng mga botante dahil mayroon Election Regulatory Board (ERB) na sasala kung lahat ay kwalipikado.

Maaalis din ang mga lumipat na sa ibang bayan at buburahin rin ang pangalan ng mga namatay base sa LCR.

‘We cannot delete decease unless na mayroon kaming panghahawakan na maggagaling sa LCR. Yung mga namamatay, kaya nga sinasabi nila bakit yung mga patay eh meron pa sa listahan? sila yung mga namamatay sa iba’t ibang bayan na hindi sila nagproprovide ng death certificate kaya hindi namin matatanggal.

Hanggat wala kaming hawak na ebidensyang patay na hindi pa din pwedeng tanggalin sa database namin

Sa datos ng COMELEC Asingan mula October 21, 2019 hanggang July 19, 2021 ay umabot sa kabuoang 465 naman na mga yumaong botante ang natanggal na listahan ng ahensiya.

Nagpaalaala ang Commission on Elections (Comelec) sa mga kandidato na paghahain ng kanilang Certificates of Candidacy (COC) mula October 1 hanggang October 8 mula alas otso ng umaga hanggang alas singko ng hapon.

Samantala pinalawig din ng Comelec hanggang Oktubre 30 ang voter registration period