?????? ?????????? ????? ?????? ?????? ?????-???????, ????? ?? ???????? ?? ??? ?????? ?? ??? ?????????? ??? ?? ??????????
Halos dalawang taon na simula nang pinahinto ang pagbiyahe ng mga provincial bus mula Pangasinan papasok sa Manila bunsod ng pinatutupad na health standard protocol ng Inter-Agency Task Force for the Management of Emerging Infectious Diseases (IATF).
Noong Disyembre ay nanawagan ang non-government organization (NGO) na Pilipino Society and Development Advocates Commuter-Consumer (PASADA CC) sa DOTR, MMDA, at LTFRB na payagan nang makabiyahe at makapasok ang mga provincial buses sa EDSA.
“Eh talaga pong apektado dahil napakakonti po o wala actually na bus na dumidirecho, ang nangyayari ito pong mga commuters natin eh mula Maynila bumababa ng Dau o ng Pampanga pa bago makasakay o nagbabakasakaling makasakay patungo dito sa Pangasinan at Ilocos Region” ani ni Richard Rivera, founder at tagapagsalita ng PASADA CC.
Pabor naman si dating Pangasinan 6th District Board Member Ranjit-Ramos-Shahani sa pagbabalik ng biyahe ng provincial buses sa Pangasinan.
“I think if the variant this omicron is under control, then we should start the direct service as soonest as possible. For our kababayans to be able to benefit from the Manila-Pangasinan/Pangasinan-Manila travel. I am for that but public safety is a priority and also dapat proper rates not too high rates yung tamang singgil lang.” ani dating Board Member Ramos-Shahani.
Umaasa naman ang mga transport group na pakikinggan ang kanilang mga hinaing na muling makabiyahe na sa mga susunod na buwan.