?????? ???????? ???? ?? ?????? ??????? ?? ? ????????, ???????????? ?? ??????? ????? ?????? ????? ??.

Personal na iniabot ni Asingan Mayor Carlos Lopez Jr. , ang dalawang bagong “health patrol tricycle” para sa Barangay Health Workers (BHW) ng Barangay Domanpot at Barangay Palaris Martes ng hapon.

“Kasi nakikita ko, napagmamasdan ko na halos hindi makagalaw ang grupo ng barangay health workers in terms sa mga sasakyan. Kailangan pa nilang humiram ng barangay patrol o kaya tricyle patrol para makapunta sa kanilang mga pasyente.” ani ni Mayor Lopez Jr.

Ayon pa sa alkalde, ang mga sasakyan ay nakalaaan upang mabilis na matugunan ng mga BHW ang pangangailangang medikal ng mga residente at mapadali din ang pagdating sa kanila ng health services mula sa lokal na pamahalaan.
“Sana ito’y maging inspirasyon sa inyo [BHW] na mas gandahan pa ang serbisyo ninyo, dahil sa support na ibinibigay po ng ating local government unit. Dahil mas mainam na magtulungan tayo sa pagdedeliver ng basic services sa ating mga nasasakupan.” dagdag ng alkalde.